بشرى ساره الى جميع الناس قمنا بفتح مركز خاص بطلبات الزواج
وجائتنا هذه الطلبات من تقروها راح يصيرلكم واهس بلزواج هع هع
1.اني عجوزه عمري بالتسعين من عمري ارغب بالزواج من شايب بعمري او اكثر من عمري ومستعده ان اكون الام والزوجه له ومستعده للعيش معه في المستشفى بالانعاش او بيت العجزه بس من شروطي عدم الانجاب لانه ما اريد اخربط شكل جسمي وغير مهم الشايب سنونه اصلي لو تخم
2.انا ديك صارلي 30 سنه بقفص محبوس وهسه طلعت اريد الزواج بصوره سريعه من اي دجاجه عمي حتى لو فروزن بالمجمده او حتى ريشها مهلس المهم دجاجه
3.انا فتاة بالعشرين من عمري بس الي يشوفني يكول عمرها بالثمانين لانه اني عاطفيه جدا ابجي والطم لاي موقف حزين عراقيه جايبته من بره البارحه شفت بزونه تاكل بالزباله انقهرت وكمت الطم وابجي لانه انقهرت جدا ارغب بالزواج من شاب عراقي حساس مثلي عنده استعداد يكابلني ونكعد نلطم ونبجي سويه
4.انا شاب وسيم جدا احلى اخوتي ارغب بالزواج من فتاة رائعه الجمال تخبل خشمها رفيع وعيونها كبيره ولون البشره بيضاء وجسمها شكاكي وشعرها شلال بلا مشط سارح وكعب رجليها مابيه فطور يختل بيه العقرب ودمها خفيف ودلوعه وبيتهم بالمنصور طويله رشيقه هاي شروطي بس للعلم اني معوق حرب فقدت ايد وحده بحرب ايران ورجل وحده بحرب الكويت والايد الثانيه بالقصف الامريكي والرجل الثانيه بحرب الحواسم يعني هسه صاير بس راس وبطن بس شنو وسيم جدا
5.انا ابو بريص صالي مزوج من ام بريص 10 سنوات وهسه اني ارمل ام بريص ماتت بحادث مؤسف ماتت بنعال وهي على الحايط في منطقه الكراده وابني بريص بعد صغير واريد اتزوج من سحليه تكون ام الى ابني بريص ومستعده للعيش معنا على حايط ما ملبوخ ولا مضروب بياض جص
6.انا شاب من الناصريه ارغب بالزواج من فتاة عاقر ما تخلف حتى يوميه اخبث عليها واكلها صارلنا شكد مزوجين وماتحبلين تره راح اتزوج عليج
7.اني طماطايه متوسطه العمر لا خايسه ولا ممروده ارغب بالزواج من خياره من عشيره تعروزي يقدس الحياة الزوجيه ويحب الحياة ولا يحب النكد مو يوميه يسوي حياتنامعجون طماطه لو يمردني بالمركه لو يهددني بالزلاطه
8.انا كلاص جبير ارغب بالزواج من دولكه حلوه بلاستك ستندر وتفضل تكون ام اليده تملى حياتي بالعصير الطبيعي ومستعده لتربيه درزن استكاين ومستعده للعيش معي في كاونتر خشب معاكس
9.اني مطي ارغب بالزواج من حماره جميله عيونها وساع وتقدر ضروفي المعاشيه وطبيعه عملي في وزارة النقل العراقيه وتكون على ثقافه عاليه ومن حملت الشهادات العليا ومن عشيرة مطايا ذات اصول جحشيه وليس مهم شكلها او طول اذنها المهم حماره تتحمل ضروف الحياة من الصوندات والقمجيات
عاااااااااااااااااا
يلة شوفونا انتو طلباتكم خخخخخخخخخخخخخخخخ
__________________
الجمعة نوفمبر 07, 2008 9:12 pm
